حكاية غشاء البكارة الصيني و شرف بنات مصر

حكاية غشاء البكارة الصيني و شرف بنات مصر
مصريات
دلوقتي جه وقت بيع الاخلاق وادعاء التدين الحقيقي بمجرد ما وصل خبر باختراع الصيني غشاء البكارة الصيني و انها خلاص قامت بتسويق غشاء البكارة الصيني في الصين نفسها و اعلانات غشاء البكارة الصيني بتتعرض في الشوارع عندهم وبتدعي البنت انها تستعيد عذريتها في 5 دقايق بس ، كمان نزل غشاء بكارة صيني في الدول العربية وعلى رأسها السعودية والامارات و سوريا وكمان بيبيعوه بسعر في متناول الجميع 15 دولار تقريبا يعني بالمصري ييجي 83 جنيه وبدأت الحكاية لما مستوردين مصريين بعد ما شافوا حجم رواج غشاء البكارة الصيني في الدول دي اللي لا تختلف كثيرا عن مصر من حيث يعني الاخلاق و العادات و التقاليد قرروا يستوردوه لكنهم اكيد اتفاجأوا بالحرب اللي قامت ضدهم سواء من نواب مجلس الشعب اللي مش بيحلالهم يصحوا غير في اي حاجة تتعلق بالجنس او بالستات عموما وبدأ البعض يكتب ويهاجم وظهرت طبعا نظرية المؤامرة في الافق فالصين اكيد اتضامنت مع دول تانية عشان تنشر الرزيلة بين بنات مصر و بنات العرب وتضيع الاخلاق وكأن الصين والدول اياها قاعدة ليل نهار بس تخطط ازاي تبوظ وتقضي على اخلاقنا وهما كل اللي بيفكروا فيه اكل عيشهم

لكن المستفز في ده كله انه يطلع الغالبية يقولوا ان وجود غشاء البكارة الصيني هايضيع بنات مصر و يخرب مستقبلهم غير انه هاينشر العنوسة كمان بينهم لان لو نزل غشاء البكارة الصيني مصر ساعتها البنات كلها هاتستسهل والشباب كمان وممكن بدون اي التزامات يمارسوا الجنس وفي الاخر كلها 83 جنيه وكانه محصلش حاجة – صحيح فيها وجهة نظر لو احنا فعلا معظم الشباب و البنات في مصر بيتجوزوا عشان اشباع الغريزة الجنسية مش لبناء اسرة ولا يكملوا نص دينهم والكلام الكبير ده – لكن نسيوا ان كتير دلوقتي بينادي بوضع ضوابط تانية لقياس او معرفة عذرية البنت وكتير كمان على ناحية تانية بيتجاهلوا ان في بنات عاهرات دلوقتي بيمارسوا الجنس وهما محافظين على غشاء البكارة وحتى في حالة نزول غشاء البكارة الصيني الاسواق فهل هايلاقي رواج بين الفئة دي معتقدش .

اعتقد ان غشاء البكارة الصيني جه في وقته وانه لازم بعد ظهوره يتغير مفهوم ان شرف البنت وعفتها موجود في غشاء البكارة من عدمه يعني خلاص قبل مكانوش راضيين يغيروه وهو بايدهم دلوقتي غصب عنهم هايفرض وجود غشاء البكارة الصيني انهم يغيروا المفهوم ده .

اعتقد ان التربية هي اللي هاتفرق مش اختراع الصين لغشاء بكارة وعلى فكرة حتى لو مش موجود غشاء البكارة الصيني في حاجة اسمها ترقيع غشاء البكارة ولا نسيتوها يعني من الاخر لو اي بنت عايزة تمشي في سكة غلط مش هاتحتاج غشاء بكارة صيني ولا صناعي ولا تايواني ولا غيره