ويا
ظريف الطول وقف تاقلك ناوي عالسفر وبلادك أحسنلك
خوفي يا ظريف تروح وتتملك وتعاشر الغير وتنساني أنا
يا ظريف الطول حب بلادي فرض واجب علينا بالطول وبالعرض
واجب علينا الفلاحه بالأرض لو الشعر شاب والظهر انحنا وعاليادي اليادي اليادي
وع أريحا يا مدرج درج باصاتك عاريحا يا لالا
هالمليحه خاطبنا ليك عريس هالمليحه يا لا لا
* *
مِنْ سِجِنْ عكا وطِلْعِت جَنازِة
محمَّدْ جمْجُومْ وفُؤادْ حجازي
جازي عليهُم يا شعبي جازي
المنْدوبِ السّامي وربْعُه عِموما
محمّد جَمْجُومُ ومَعْ عطا الزِّيرِ
فؤادِ حْجازي عِزِّ الذَّخيرة
إنظُرْ لِمقدَّرْ والتّقاديرِ
بَحْكامِ الظالم تايِعدِمُونا
إمِّي الحنونة بالصوت تنادي
ضاقَتْ عليها كُلِّ البلادِ
نادُوا فؤادْ ومُهْجِةْ فُؤادي
قَبِلْ نِتْفَرَّقْ تايِوَدِّعُونا
بابِ المحاكِمْ صاَحَتْ يا إبْني
تِدْعِي ع الحاكِمْ هاللي أتْعَبْني
والحاكِمْ ظالِمْ ما هُو مِعْجِبْني
وإعْدامِ الشّبابْ ما هو قانُونا
تِنْدَه عَ عَطا من ورا البابِ
وِقْفَتْ تِستنظر مِنُّه الجوابِ
عطا يا عطا زينِ الشبابِ
بِهْجِمْ عَ العَسْكَر ولا يهابونا
ثلاثة ماتُوا مُوتِ الإسُودِ
لا تِشْمَتْ فيهُم وَلَك يَهُودي
إحْنا بالْعَصا وانتَ بْبارودِة
بَسّك تِتْشَكَّى ولكْ صهيونا
جابوا المُرْجيحَة جابوالِحْبالِ
هذه المُرْجيحَة شَرَفْناالعالي
وهذه المُرْجيحَة شرَفْنا الْعالي
شباب العَرَبْ لا تِهْتَمُّونا
حَبْسَك يا عَطا ما عُدْنا نْهابُو
ما دامِ الظُّلُم ظارِبْ اطنابُو
هذا وَطَنّا واحْنا إصْحابو
حِزْبِ الصَّهيوني قُوموا ارْحلونا
خَيِّ يا يوسفْ وصاتَك إمِّي
إوْعي يا أُختي بَعْدي تِنْهَمِّي
لأجْلِ الوَطَن ضحيت بدَمِّي
كُلُّه لعيونك يا فَلَسْطينا
رئيس المَجْلس واحّنا رِجالَكْ
في نادي الأمَمْ ورجينا افْعالَكْ
حافِظْ عَ الوَطَنْ أحْسَن وابْقى لَكْ
لا يقُوموا خانُوا العَرَبْ ياعْيونا
زُوروا المقابِر يومِ لعيادي
زُورُوا لي عَطا وزُوروا الأمجادي
أهل الشّجاعة عطا وفؤادي
ما يهابوا الرَّدى يومِ المنونا
شَرقيِّ القُدسْ صارَتْ مناحَة
سِمْعَتْها يافا طِلْعَت صَيّاحة
قالت يا قُدسْ يللّه يا ريحا
نِعْلنْها ثوْرَة على صَهْيُونا
صَارَتْ في عكا يومِ الإعْدامِ
مُصيبة كبيرة على العُربانِ
صَفُّوا العَساكر صفِّ النِّظامِ
خافوا من العَرَبْ لا يهْجِمونا
ضرْبِ المَدافِعْ ما خفنا مِنّه
والمِقْدَّر جاري ما غنى عنُّه
والموتِ الَحْمَرْ ما نِسْأل عَنُّه
يومِنْ رِدْناهُمْ ما يِمنَعُونا
طَلَبْنا العفو ما سِمعُوا مِنّا
للشّهر العاشِرْ واحنا بْنِستَنّا
بَعَثنا الوَفد لدافِعْ عَنّا
خابَتْ آمالُه ورِجِعْ مَغْبونا
يقُول مْحَمّد أنا أوَّلْكُم
خُوفي يا عطا أشْرَب حَسْرِتكُمْ
يقول حجازي أنا أوَّلْكُم
ما نْخافِ المَشَانِقْ لَوْ عَلَّقونا
فؤاد حْجازي أمْسِى مَفقودي
جُودي يا إمِّي بالبُكا جُودي
عَلَشان الوطن حَلَفْت اجودي
عَشان الوطن بيعلِّقونا
نادى المنادي يا ناس اضرابِ
يُومِ الثلاثا شنْقِ الشّبابِ
أهْلِ الشّجاعَة عَطا وفؤادي
ما يْهابوا الرَّدى ولا المَنونا
زَغٌرودَة لحظة الشنق
هي وْيا والمِشْنقَة تاجَك
هي والْقيد الَك خُلْخالْ
هي ومُوتَكْ عَن بلادَك عِزّ
هي ويا زِينْةِ الرِّجالْ
-------------------------------------
جفرا
جفرا وهيا الربع
تمشي بسهل برقة
والخطوة مثل الغزال
تسمع لها دقة
يا ربي ويا معتلي
رب السما الزرقة
ترد الولف ليا
ساعة زمانية
* * *
جفرا وهيا الربع
ع حيطان أبوها
تمشي الفيي الفيي
خوفا حدا يشوفها
يا حسيرة المدللة
للنذل أعطوها
ومن بعد مشي
الغوا تمشي بذلية
* * *
لاطلع ع رأس الجبل
واشرف على الوادي
وأقول يا مرحبا
نسم هوا بلادي
يا رب يطوف النهر
تا يحمل الوادي
واعمل زنودي جسر
واقطعك ليا.
ع الأوف مشعل
غابت النا الشمس يا ابن شعلان
وأريد اروح مع عزيبي
ع الأوف مشعل أوف مشعلاني
ماني اتبليته هو الي تبلاني
شفت واحد واقف جنب البركة
حكيته عربي جاوبني بالتركي
نسوان تحكي والأطفال بتبكي
مع مين نحكي تركي أو الماني
ع الأوف مشعل أوف مشعلاني
شفت القانون جاي من بعيدِ
حبيت أهرب ما طلع بأيدي
قلي الوثيقة ناولته مجيـــــــــــدة
لطش المجيدة وقلي : إنت فراري
ع الأوف مشعل أوف مشعلاني
مع السلامة يا ربعي وخلانـــي
يا يابا لا...لا...لا
يا بابا ... لا ... لا ... لا
بتريد تحاكينا أو لا
يا بابا ... لا ... لا ... لا
بتريد تحاكينا أو لا
رح بترد علينا أو لا ؟
يعني ما بتحبينا
ولا بتحبي غنانيا
ولا رح بتردي علينا
لا ... يابا ... لا ... لا... لا
يا طير يا طاير يا طاير
يا طاير صوب القمورة
سلّم وزيد السلام
يابا سلم ع الحلوة وزورا
وان شفتا زادت دلالا
علي بحبو جمالا
خبرها انو بنحبا
وعلينا لا تقشع حالا
يا بابا ... لا ... لا ... لا
بتريد تحاكينا أو لا
رح بترد علينا أو لا
يا طاير يا طاير
يا طاير صوب أم جدايل
سلم وزيد السلام
يا با سلم ع الخصرا مايل
وان شفت الحلوة الميلا
الي عيونا عيون الغزالا
قلها بنهجرها وبنتركها
لكن ما بنعشق بدالا
يا بابا ... لا ... لا ... لا
بتريد تحاكينا أو لا
يابا آه
يا بابا ... لا ... لا ... لا
بتريد تحاكينا أو لا
رح بترد علينا أو لا
ميجانا
ميجنا يا ميجنا يا ميجَنا
يا ويلٍ حَالي هَبّطو لَدْيارِنا
أوف يلِّي حَرَمتني أسْكُنْ بداري
وترَكْتني لنَذل أسمع واداري
وجَعَلْت البُومْ يزعَقْ بداري
إن شاالله بدارْهِمْ يِزْعَق غرابْ
يا شيب راس دشَّرونا احبابنا
أوفْ جُرْحْ لُبنان في يَدْكُو وضَعْتوهْ
تركتوا الطِّفلْ عمْ يبْكي واضَاعْتوه
الميتم الِّي عَ حدودْكو وَضَعْتوهْ
امْسَاعَدة لَلْذَبح، في لبنان، الشباب
الله يخونك يا زمان الْ خَنْتِنا
يابا الدَّهِرْ دولابُه دارْ بِي
وبصَيحْ وفِشْ عادلْ دارِ بِي
يابا الحرامي صار ساكن دارْ بَيِّي
وعَمْ بِسَمِّيني مْخَرِّب ابْوابْ
الله يديمك يا أهالي بلادِنا
إخوة ليشْ عَمْ نِذْبَحْ بَعَضْنا
وذَنَبْ صَهْيونْ لاحِقْنا وبعُضّنا
علينا واجب نْنْظِّفْ بَعَضْنَا
وما يبْقى بيننا غيرِ الطيّابْ
ميجانا
تِشوفْ الْغَرب لْلحَرِبْ بِحَرّكو
الشّرق ما يْخافْ لَوْ رَجّتْ بِحاركو
إذا السوفيتْ يا كارْتَرْ بَحَرْكو
السِّلِمْ بِسود وِتْوَلِّوا هَرَبْ
على دلعونا على دلعونا
إلكو تحيّة من عَيْلَبونا
ونِحنا مِنْغَنِّي عن جُرْح بْلادي
يللِّي بفْديها بْروحي وفُؤادي
جيراني صحابي أهْلي ووْلادي
كُرّْمال بْلادي عمْ يضَحوِّنا
دلعونا
على دلعونا على دلعونا
إلكو تحيِّة من عَيْلَبونا
من يوم خُلقْنا بِنْخْدِمْ شَعبْنا
إذا مْنِتْراجع ويلي شُوعيبنا
يا ربي تبارك وحدة شعبنا
تنظل نجابِه حُكُمْ صَهْيونا
على دلعونا على دلعونا
إلكو تحيّة من عَيْلبونا
نِحْنا بشَعْبِ بْلادي بنتْغَنَّى
لْبيوم الأرِض لَصيتُه رَنّا
تحْيا عرَّابة ساخنين دير حنّا
كانوا فوارِس كانوا يموتُونا
على دلعونا على دلعونا
إلكو تحيّة من عَيْلبونا
فُرْقِتنا كلّها فُرقَة وطنية
ما عنده فارقْ ولا عُنْصريّة
وكلّنا بنَّاظِلْ لاجْلِ القَضية
تنعيش سَوِيِّة بِفَلسْطينا
على دلعونا على دلعونا
إلكو تحيّة من عيلبونا
يا شعبي اصْمُد ظحِّي بشبابَكْ
لازمْ تتحَمّل تِجْني أتْعابَك
أوعَى تتنازَلْ ويفوتُوا اعْتابك
اذْنابِ الحكومِة والـْ يحْكمُونا
على دلعونا على دلعونا
إلكو تحيّة من عَيْلَبُونا
ع الأوف مشعل
ع الأوف مشعل
أوف مشعلاني
بالنار تهدر
هالأرض شعلانة
مشعل يا عيني
ملثم بكوفية
لا مش خجل
هو الفدا والعية
وجه القمر
يومن طل عليّ
وبشرني بكره
نلتقي من ثاني
ع الأوف مشعل
شوفتو باب الدار
يا يما حامل بيده
كوم حجاري
يضرب ما يسأل
بالجراح مش داري
وهاجم على جيش
العدا يإيماني
شوفتو بعيني
وسمعت كلماته
عصرية ميل
والتقى بخياته
سلم ما ودع
نادى عا رفاته
فلسطين بتناديكم
يا خلاني
لأجل الورد مذبوح
ينده للسما
وين النشامى
قلنا حنا للحما
حنا ترى اللي
نجود ونسخى بالدما
وتظل رايات
المجد عليانة
لا تغيبي يا شمس
الصبح لا تغيبي
جأيكي مشعل
حممي بالطيب
غاب ورجع
جيبي القرايب جيبي
وزفيلي مشعل
مطلق الريحان
طلي على مشعل
في راس الحارة
جأيكي دمه
عالدرب نوارة
وتزنري بمقليعته
يا جارة
12.08.11 15:50