نظرات تخترق جدار الزمن

الإدارة المشاركات : 3446 . :

نظرات تخترق جدار الزمن

(حلم طفلة زغيَّرة)

وِقفِتْ عَ شباكِ الزَّمَنْ واسترْجَعِتْ أحلى الصورْ هلْ عاشِتـا بعمـرا
ومَدري شو خلَّاها بسرَّا استعْجَلِتْ وشلْحِتْ عيونا ع البحـرْ نظـرا
واتلهفِتْ وإيديهـا عـمْ تِمْتَـدْ تلملمْ مِنِ هْبـوبِ الهـوا صِـرَّا
واتسَابِقْ النْظراتْ بعيونِ الزَّمـنِ هالْ صادَفِتْهـا اليـومْ بالقِـدرا
أتاري لمْحِتْ شجرا حدَّوْ عَرَّشِتْ بغصونِهـا وأوراقْهـا وزهــرا
وإيدينِ عمْ تِسْقِـيْ ورودْ الـدَّارْ بمحبِّتـا وإيمانْـهـا وصـبـرا
حَسِّتِ عاخدا دمعهْ فيها اتذكَرِتْ إيديـنْ إمَّـا وبسْمِتـا وسِحـرا
قلبا انفطرْ واتْسارعوا الدَّقـاتْ ركضوا عا إمّـا يبوِّسـوا شعـرا
وطيورْ أغلى دارْ صدْحِتْ بالنَّغَـمْ فوقِ الزُّهورْ الْ فوَّحِـتْ عِطـرا
والإمْ عَـم ْتِطَّـلَّـعْ وتـسـألْ مستغربـي شوجـدّْ عـا فَجـرا
لكنْ بإحساسِ الأمومي اتْفهمـتْ واتبسمِّتْ شمسِ الضُّحـى بثغـرا
وعينيها راحتْ بالومَا تِنْدَهْ: تَعِـي يابنيتـي طوَّلـتـي هالسَّـفـرا
يابنيِّتي شوفـي الـوردْ مجـروحْ وعا خدودو يامِّي انطفيتْ الجمرا
ابنيِّتي ماعـادْ عنـدي دمـوعْ تصَبِّـرْ عذابـي ولوعِتـي الحـرَّا
بلحظةْ عتبْ هالقلبْ رفِّ وطـارْ وقلَّـلا ياإمـي راجعـهْ بكـرا
تانجدِّدِ الأحـلامْ بِعيـونِ الفـرحْ ونْعَشِّقـا بالحـبّْ والعِـشـرا
وحَ ندوِّبِ سنينِ البُعدْ بالكـاسْ وراحْ نشربـا سِكَّـر بلا حسـرا
وهــالإمْ ضـهـرا منحـنـي والعـمـر إلـهـا بينـحـنـي
والبنـتْ زهــرةْ سوسـنـيْ رجعتْ لإمَّا بحلمْ طِفلـي زغيَّـرا

شعر

زاهية بنت البحر