بعنوان الي متى يا عبداللطيف
مشكلتي وهمي وتعبي وتفكيري بداء لين صرت زبون لعبداللطيف جميل وشريت سيارة كامري 2011 أصفار جديد وفي نفس اليوم من الأستخدام لاحظت ه>ي الملاحظات
1-طقه عند بداية المشي (طقه ياناس والله طقه في سيارة جديده..؟؟) الطقه بالمكينه
2- السيارة تحذف الي جهة اليسار
3-توجد فراغات كبيرة وملاحظه بالديكور الداخلي اقصد انه الديكور غير موزون
4- كلبسات الطبلون غير موزونه وواضح انها مفكوكه
5- حرارة عند ديكور القير
معاناتي بداءت الأن...
لين رحت الوكاله وقلت له على الملاحظات قال لي لازم تمشي الف وتجيبها الأن مانقدر ندخلها الصيانه ..قلت له هذا الشيء مايتأجل لين تمشي الف انا ماأدري وش فيها السيارة على اساس اقدر امشي فيها او لا قال أسمحلي زحمه المهم انا كلمت الدمام وسوى لي موعد بعد اسبوعين ورحت لهم بعد اسبوعين وقلت له المشاكل واذا يقول لي طبيعي كل شيء طبيعي قلت له كيف يعني طبيعي انت ما تسمع الطقه ماتشوف الحذفه ما تشوف الأختلافات الداخليه كل هذا طبيعي
قلت له اترك كل شيء واقنعني بس بهالطقه اللي بالمكينه شنو ذي قال هذي بكل السيارات طبيعيه قلت له طيب طبيعيه شالسبب بعد الجدال قلت له خلاص ما ابي تقنعني بهالطقه انا بجيب لك سيارة نفس سيارتي ومافيها طقه معناتها ان هالسيارة خربانه بجيبها لك وحط فيها طقه قال وهو متلبك انا ماعلي من السيارات الثانيه قلت له كيف ما عليك وانت مساعه تقول كل سيارات تويوتا كذا المهم وبسوء تصرف يحذف المفتاح ويخليني وظليت والله اراجع فيهم واكلم رئيس الصيانه ومابقى واحد ما كلمت ومافي فايده لين وصلتها لجده وقالوا جده نرد عليك بعد يومين وردوا وقالوا التقرير يقول طبيعي قلت له ادري ان التقرير اللي جانا من القسم اللي فحصت عندهم يقولون طبيعي قلت له وانا ليش داق عليك على شان تقول لي ان طبيعي اقنعني كيف طبيعي قال هذا اللي اقدر افيدك وبعدها رفعت شكوى عند وزارة التجارة ورفعوا خطاب الي جده وجاهم الرد من جده بان السيارة طبيعيه وردوا لعي وزارة التجارة وقالوا سيارتك طبيعيه يقولون قلت له طيب وانا ليه جاي مشتكي عندكم ويقول لي بعدين هذا ردهم ما نقدر نسوي شيء قلت له طيب انا اطلب فحص بورشة خارجيه ونشوف طيب وبعدين وجهوني وزارة التجارة الي الكلية التقنيه وللكلية وعطيتهم التوجيه ويقول لي العميد احنا الأن مشغولين ما نقدر نفحصها لان العمال اذا بيفحصون سيارتك بيشتغلون اوفرتايم ومن اللي بيدفع لهم اذا بتدفع انت مو مشكله والله ياناس هذا كلامه قلت له طيب وهالتوجيه اللي من وزارة التجاره وش فايدته ابد ولا كأنك تكلمه يقول لي تبي تدفع فلوس ياناس حتى الحكومه صارت تأخذ فلوس من المواطنيين مقابل خدمه
والجدير بالذكر اني لحد الأن ما أمنت على السيارة وقلت لتويوتا ومن هنا اقول ان لو يصير لي شي وانا بالسيارة فا رقبتي بعبداللطيف جميل لاني والله مو مشتهي السيارة كرهتها ولا أدري وش اللي عليه انا ومو بس كذا صرت اذا بروح العمل استأجر سيارة او اروح بتكسي علىحسابي ماأقدر امسك خط بالسيارة ولا أدري بهالطقه وين نهايتها والله حرام وتعذبت وتعبت وخسرت فلوسي وانا لحد الأن ما سلمت فلوسها بس ماأقول الا هذي ضريبة زبائن عبداللطيف جميل فا اتمنى اللي يقدر يفيدني لايقصر معاي تكفووون يا ناس حالتي النفسيه دمار والله 0
من اخذت السيارة الان 3 اسابيع ومامشت الا 240
والسيارة مأخذها كااش
