حبيته من كل قلبي

محرر المشاركات : 30 . :

في يوم من الأيام كنت رايحة للبقالة أشتري شوية أغراض وأنا داخلة انصدمت بواحد كان خارج ومن هنا بدت القصة وقتها طاحت عيني بعينه وحبيته من كل قلبي وتمنيت لو اني أكون له ومو لغيره جلست 3 أيام وأنا افكر فيه وأدعي من ربي إنه يجي حارتنا مرة ثانية عشان أشوفه وبعد أسبوع جاء نفس الشخص وخطبني من أهلي وطبعا وافقة وبدون تردد
كان أسمه محمد وكانت فيه وحدة اسمها عايشة تحبه ولما سمعت إنه خطب وراح يتزوج قررت تخرب عليه وعلى عروسته فرحتهم وسوت سحر لها عشان تكرهه وتتركه أنا تجهزت ليوم زواجي وكنت يومها طالعة مثل القمر حتى محمد لما شافني انبهر بجمالي كنت حاسة أنه في شي راح يصير قلبي وقتها ما كان مرتاح لما قلت لأختي قالتلي : اتركي عنك الدلع الزائد هذا كله راح يروح لما تطلعي على الكوشة ، وجاء وقت الزفة كانت عايشة حاطة السحر عند الباب اللي راح أخرج منه ولسوء حظ أخوي إنه كان معاي أول ما حطيت رجلي على عتبة الباب حسيت بدوخة وطحت وطاح أخوي معاي لأنه مشى على السحر اللي ما كان أحد منتبه له بعدها أهلي شالوني وودوني عند شيخ وقال لهم إني مسحورة عشان أكره زوجي وإنه لازم أقعد 40 يوم بعيدة عنه ولا أشوفه ولاحتى أسمع صوته كنت كل ما يجي النهار أكون طبيعية بس أول ما يدخل الليل تصيبني حالة من المس وأبدأ أصرخ وبعد 35 يوم تحسنت حالتي وبديت اتشافى وفي اليوم 39 قرر زوجي إنه يجي ياخذني ونروح نسافر برة مدام حالي تحسن سمعت كلامه ورحت معه واحنا في الطريق حسيت بنفس الدوخة اللي حسيت فيها أول وطحت مرة ثانية وجاؤو اهلي واخذوني طبعا زوجي زعل كتير ولما دخل على بيت اهله يبغى يقول لهم ايش اللي صار طاح على الارض فجأة وشالوه عند نفس الشيخ اللي انا عنده وقال الشيخ انه انا وهو انسحرنا الاثنين مع بعض وهذا بسبب انا ما كملنا ال40 يوم واحنا بعاد عن بعض والى الحين واحنا مفترقين ولا واحد يشوف الثاني ولا يعرف عنه اي شي على فكرة قالتلي امي انه في يوم من الايام وانا في حالة المس صرخت وقلت على مكان واسم الحرمة اللي ساحرتني ولما راحوا لنفس المكان لقوها فيه بس ما قدروا يمسكو عليها شي لانه ما عندهم دليل .....
ـــــــــــــــــــ
.منقول